خيانة الامانه في اتصالات الامارات

موضوع في قلبي من زمان

طبعا انا انقطعت عن هذه المواضيع لاني ما ابي اعور راسي
لكن صراحه ما قدرت اتحمل وانا اشوف الخيانه والغش في كل مكان
في حياة المواطن !!

القهر موب يوم يغشك الغريب لانه غريب
لكن القهر يوم يغشك المواطن وولد البلاد
انا ما بخص شخص معين بموضوعي
لكن على قولت اخوانا المصريين (الي على راسه بطحه يحسس عليها)

--

انا عندي رقم واصل اي كلام
قلت بسير اخذ لي رقم مميز من اتصالات !!
طبعا في ناس قالوا لي لا تسير بيردونك وبيقولون لك والله ما عندنا ارقام
وبرع الاتصالات بتحصل ارقام جيده بس غاليه نار !!

طبعا لاني بوعادل عاندت وسرت الاتصالات!!
طبعا حصل مثل ما وصف لي الاصدقاء !!

جان اشل قشي واسير عند المدير العود
دخلت مكتبه ولا اشوفه شخص محترم
وريال والنعم فيه والله ((ممكن لاني كنت كاشخ علشان جيه سوالي سالفه))

ويوم طلبت رقم مميز تم يتعذر ويقول انه خلصت الارقام المميزه !!
وان الارقام المميزه (الدفعه اليايه) بتي بتاريخ ممعين !!
جان اتسامح منه وطلعت!!

راجعت في نفس التاريخ الي هو عطاني موب علشان الرقم لكن علشان اثبت
لنفسي ان تفكير الاصدقاء غلط وان المواطن بيساعد اي مواطن موب شرط معرفه
او بنت

ساير له الصبح ...ونفس الكلام حصل
قالي ان الارقام خلصت !!!!

يا ريال @!@@@؟

ما اذكر شو قلت بس لو ما كان ساحبني ربيعي جان اليوم انا مسجون !

وانا طالع وبعد الحشره هاي كلها
ياني ريال محترم قالي ان هذا المدير عنده لسته
وانه يعطي الارقام حق ربعه او الي يتوسطون لهم ربعه !!

واذا تبا ارقام
بتحصله في الموقع الفلاني !!!

لا حول ولا قوه

ارقام بـ34000 و 7000 و 5000 و اكثر !!
---

المشلكه ان 100000000000 رقم مسجل بأسم شخص معين
كيف قدر يحصل هذا الكم من الارقام من الاتصالات !!
والمشكله ان هذه الارقام مميزه جدا جدا جدا !!!


رساله اليهم !!

خافوا الله وصونوا الامانه
حتى المواطن العادي له الحق في الحصول على ابسط حقوقه
المكفوله له من دستور دولتنا الحبيبه

وياليل ما اطولك !!

منقووووول

تسلم أخوي ع الخبر